Ander Herrera Oo Man United U Sheegay Halka Wado Ee Uu Heshiis Cusub Ugu Saxiixi Karo Kooxda March 31, 2019

Xiddiga khadka dhexe uga ciyaara kooxda Man United ee Ander Herrera ayaa kooxdiisa Man United u sheegay halka wado ee uu heshiis cusub ugu saxiixayo kooxda.

Ander Herrera ayaa kooxdiisa u sheegay in ay jeebka ugu shubaan lacag dhan 200 kun oo Gini todobaadkii hadii ay doonayaan in uu jiigo Old Trafford.

29 jirka reer Spain ayaa si xor ah uga tagi kara Man United xagaaga dhamaadka xilli ciyaareedkan amrka uu dhoco heshiiskiisu.

Kooxaha Arsenal iyo PSG ayaa doonaya saxiixa xiddiga khadka dhexe kuwaas oo waliba diyaar ula ah mushaharka fiican oo uu ku qancayo..

Herrera ayaa haatan kooxda Man United ka qaata lacag dhan 130 kun oo Gini todobaadkii waxana ay United diyaar ula tahay 170 kun oo Gini todobaadkii.

Laakiin xiddiga ayaa u sheegay in uu doonayo in uu helo lacag dhan 200 kun oo Gini si uu u sii joogo kooxda wixii xilli ciyaareedkan ka dambeeya.