Sanadihii yaraa ee ugu dambeeyay waxa si waali ah faraha uga baxayay qiimaha suuqa kala iibsiga ciyaartoyada iyada oo koox kasta dalbanaysay qiimo waali ah marka laga dalbado mid ka mid ah xiddigeheeda.
Laakiin inta badan waxa qiimo waali ah lagula wareegi jiray xiddigaha weerarka ama khadka dhexe sabab la xidhiidha in ay inta badan saamayn ku yeeshaan kulamada.
Si kasta ha ahaatee qiimaha daafacayada ayaa si waali ah kor ugu kacay wakhtigii ugu dambeeyay iyada oo lacago wali ah laga bixiyay saxiixooda.
Xiddiga daafaca uga ciyaara kooxda Atletico Madrid ee Lucas Hernandez ayaa noqday xiddigii ugu dambeeyay ee daafaca ah ee lacagta waalida ah laga bixiyay.
Lucas Hernandez ayaa ku biiray kooxda Bayern Munich kadib markii ay bixisay lacagta lagu bur-burinayay heshiiskiisa kooxda Atletico.
Xiddiga reer France ayaa si Rasmi ah ugu biiri doona Bayern dhamaadka xilli ciyaareedkan marka uu furmo suuqa kala iibsiga xagaagu.
Lucas Hernandez ayaa noqday xiddiga 2-aad ee daafaca ah ee ugu qaalisan taariikhda suuqa kala iibsiga kadib markii uu 80 Milyan ugu biiray Bayern.
Comments
Post a Comment