AC Milan Oo Isha Ku Haysa Tababare Pochettino , Hal Waddo Kaliya Ayay Ku Heli Karaan Saxiixiisa . April 5, 2019

Kooxda AC Milan ee horyaalka Italy ayaa lagu waramayaa in ay xiisayanayaan in ay la soo hishiiyaan tababaraha Tottenham ee Mauricio Pochettino .

Mustaqbalka tababare Gennaro Gattuso ee AC Milana ayaa waxa hareeyay shaki badan ka dib hoos u dhac ku yimid natiijooyinka kooxda ee xilli ciyaareedkaan .

Wargeyska Correra Del Sport ee Italy ayaa qoraya in maamulka AC Milan ay si weyn uga fikrayaan in ka maarmaan Gennaro Gattuso haddii ay dhacdo in ay kooxda aysan xilli ciyaareedkaan u soo bixin tartanka Champion-ka

AC Milana ayaa haatan ku jirta booska 4-aad ee kala sareynta kooxaha horyaalka Italy ka dib 30 kullan oo laga ciyaaray horyaalkaas waxa ayna leeyihiin  52 dhibic , kaliya  hal dhibic ayay ka sareeyaan kooxda Atalanta oo ku jirta booska 5-aad

Maamulka kooxdaas ayaa hataan u arka macalinka Tottenham mid aad ugu wacan kooxdaas haddii ay dhacdo in Gennaro Gattuso ay ka kaaftoomaan dhamaadka xili ciyaareedkaan .
Tababare Mauricio Pochettino ayaa kooxda Totenham u saxiixay hishiis cusub bishii May ee sanadkii hore waxa uuna ku siman illaa iyo xagaaga 2023-ka

Warka waxa uu intaas ku darayaa in AC MIlan ay ku qasbanaaneyso in ay bixiyaan 50 milyan oo gini si macalinkaas u soo helaan dhamaadka xilli ciyaareedaan